Një 29 vjeçar humbi jetën në spital tre orë pasi u sulmua me levë në një lokal në Sllatinë të Dibrës.

Nuk ka vonuar dhe policia për këtë ngjarje arrestoi tre persona, vëllain e viktimës dhe dy vëllezër që dyshohet se vranë 29 vjeçarin.

Të gjithë personat kanë qenë duke pirë alkool në një lokal të fshatit.

Në debat e sipër u përfshinë në sherr mes tyre. I pari që ka qëlluar ka qenë vëllai i viktimës.

Ai plagosi me thikë njërin nga dy vëllezërit kundërshtar, M.H 24 vjeç.

Në këtë moment ata janë kundërpërgjigjur duke goditur me leva dhe hunj 29 vjeçarin, i cili nuk i mbijetoi dot plagëve.

Grupi hetimor vijon hetimet për zbardhjen e plotë të shkaqeve të ngjarjes.