Qeveria e Kosovës në mbledhjen elektronike ka emëruar dy komisioni ad hoc, raporton gazeta online Reporteri.net. 

Sipas njoftimit është themeluar komisioni ad hoc për vlerësimin profesional për pranim për pozitën e lartë të kategorisë drejtuese, drejtor i përgjithshëm në Akademinë e Kosovës për Siguri Publike.

Po ashtu, kanë bërë të ditur se është formuar edhe komisioni ad hoc për vlerësimin profesional për pranim për pozitën e lartë të kategorisë drejtuese, drejtor ekzekutiv në Agjencinë e Regjistrimit Civil.

“Qeveria e Republikës së Kosovës ka zhvilluar një mbledhje elektronike, në të cilën ka emëruar komisionin Ad hoc për vlerësimin profesional për pranim për pozitën e lartë të kategorisë drejtuese: Drejtor i Përgjithshëm në Akademinë e Kosovës për Siguri Publike dhe komisionin Ad hoc për vlerësimin profesional për pranim për pozitën e lartë të kategorisë drejtuese: Drejtor Ekzekutiv në Agjencinë e Regjistrimit Civil”, thuhet në njoftim.

/Reporteri.net/.