Policia e Kosovës po kërkon ndihmë për gjetjen e një 54-vjeçari që po kërkohet për dhunim, raporton gazeta online Reporteri.net.

Përmes një komunikate për media, Policia ka publikuar të dhënat dhe fotografinë e këtij të fundit.

Me ç’rast, kanë bërë thirrje që kushdo që ka informacion për vendndodhjen e tij, të lajmërojë në stacionin më të afërt policor.

“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në njoftimin e PK-së.

/Reporteri.net/.