Ndërmarrja “Trepca”, ka pezulluar 13 punëtorë nga puna, raporton gazeta online Reporteri.net. 

Kështu kanë bërë të ditur përmes njoftimeve në Facebook, ku në postimin e tyre thuhet se arsyeja e perzullimit të 12 punëtorëve, është ngritja e aktakuzës.

“Me datën 30.10.2024 z.B.S, z.B.I, z.SH.R, z.Z.I, z.Sh.O, z.P.B, z.B.H, z.D.H, z.F.B, z.R.B, z.B.H dhe z.Rr.L, janë larguar përkohësisht nga puna. Me vendim me nr.prot:6584 të Kryeshefit Ekzekutiv të Trepça Sh.A., pasi është ngritur aktakuza, duke u bazuar në nenin 73 par.1, nën paragrafi 1.1 i Ligjit nr. 03/L-212 të Punës si dhe nenit 19 par.1, nën paragrafi 1.1 i Rregullores nr.prot: 2906 të datës 30.7.2020 për përgjegjësinë disiplinore dhe materiale të punëtorëve të Trepça Sh.A”, thuhet në njoftim.

Ndërkaq, në njoftimin e dytë, është dhënë arsyeja e njëjtë si në lajmërimin paraprak.

“Me datën 30.10.2024 z.E.M është larguar përkohësisht nga puna. Me vendim me nr.prot:6583 të Kryeshefit Ekzekutiv të Trepça Sh.A., pasi është ngritur aktakuza, duke u bazuar në nenin 73 par.1, nën paragrafi 1.1 i Ligjit nr. 03/L-212 të Punës si dhe nenit 19 par.1, nën paragrafi 1.1 i Rregullores nr.prot: 2906 të datës 30.7.2020 për përgjegjësinë disiplinore dhe materiale të punëtorëve të Trepça Sh.A”, vijon njoftimi i dytë.

/Reporteri.net/.