Me valle, surle e tupana – kështu u manifestua përurimi i një rruge në Komunën e Dragashit që lidh fshatrat e Kosovës me ato të Shqipërisë.

Në pamjet e publikuara, në krye të valles shihet zëvendësministri i Infrastrukturës, Hysen Durmishi i cili duket se është i gëzuar shumë me rastin e përurimit të rrugës.

I rrethuar nga shumë banorë, Durmishi tund një shallë të Shqipërisë e vazhdon e vallëzon shqip, me një ansambël që e shoqëron në pjesën tjetër të hapësirës ku po bëhej festimi./Klan Kosova