Komisioni Qendror i Zgjedhjeve po vazhdon me përgatitjet për zgjedhjet parlamentare që do të mbahen më 9 nëntor.

KQZ sot ka shpallur një tender në vlerë 2 mijë euro për furnizim me nxemëse për Qendrën e Numrimit të Rezultateve. Me këtë shumë parashihet blerja e 30 nxemjeve, që sipas një përllogaritje të thjeshtë, një i bie të kushtojë rreth 65 euro, shkruan Reporteri.net.

Kompania që fiton këtë tender, duhet ta kryejë furnizimin 30 ditë nga nënshkrimi i kontratës.

Afati i fundit për dorëzim të ofertave për këtë tender është 18 nëntori, ora 14:00.

“Çdo palë e interesuar mund të bëjë ankesë pranë Autoritetit Kontraktues, në bazë të nenit 108/A të Ligjit Nr. 04/L-042 për Prokurimin Publik të Republikës se Kosovës, i ndryshuar dhe plotësuar me ligjin Nr. 04/L-237, ligjin Nr. 05/L-068 dhe ligjin Nr. 05/L-092 në adresën e specifikuar ne Nenin I te këtij Njoftimi për kontratë”, thuhet në njoftim.