Një burrë ka arritur t’i shpëtojë sulmit të një peshkaqeni falë një operatori që filmoi zonën nga lart me dronin e tij. Piloti i dronit, duke parë rrezikun e menjëhershëm, lajmëroi serfistin që menjëherë u drejtua për në breg.

Në bregdetin e Werri Beach, Australi, një serfist arriti të shmangë sulmin e një peshkaqeni falë një operatori, i cili duke filmuar zonën me dron, kishte vërejtur rrezikun e afërt.

“Peshkaqeni! Peshkaqeni! Peshkaqeni! Evakuoni zonën menjëherë!”: Mesazhi nga operatori menjëherë alarmoi serfistin që ktheu serfin dhe filloi të shkonte drejt bregut.

Për fat të mirë, edhe peshkaqeni ndryshoi drejtim, duke e shtyrë veten gjithnjë e më shumë drejt detit të hapur. Me përjashtim të frikës së madhe fillestare, gjithçka u zgjidh në mënyrën më të mire dhe serfisti nuk pësoi lëndime.

Operatori që paralajmëroi serfistin merrej me monitorimin e zonës për punë kërkimore. Sipas pilotit të dronit, peshkaqeni arrinte një gjatësi prej rreth 4 metrash. Gjithashtu sipas operatorit, ishte një peshkaqen i ri i bardhë, peshku më i madh grabitqar në planet.

Së bashku me peshkaqenët tigër dhe peshkaqenët leuca, peshkaqeni i bardhë është ndër peshqit grabitqarë më të rrezikshëm për njerëzit. Edhe pse vdekjet e shkaktuara nga një sulm peshkaqeni tani janë shumë të pakta, kafshimi i tij mbetet vdekjeprurës për njerëzit.