I dërguari i Bashkimit Evropian për dialogun Kosovë-Serbi, Miroslav Lajçak, gjatë vizitës në Paris ka takuar ministrin për Evropë të Francës, Benjamin Haddad.

Ai u shpreh se Franca është mbështetëse e fortë e dialogut.

Lajçak tha se me ministrin francez pati një diskutim të mirë për dinamikën në Ballkanin Perëndimor dhe rëndësinë e progresit në Dialogun për normalizimin e marrëdhënieve.

“Gjithmonë kënaqësi të jem në Paris dhe të takohem me ministrin e deleguar për Europë, Benjamin Haddad. Ne patëm një diskutim të mirë për dinamikën në Ballkanin Perëndimor dhe rëndësinë e progresit në Dialogun për normalizimin e marrëdhënieve. Faleminderit Francës për mbështetjen e fortë ndaj procesit”, ka shkruar ai.

Always a pleasure to be in Paris and to meet with Minister Delegate @benjaminhaddad 🇨🇵🇪🇺. We had a good discussion on the dynamics in the Western Balkans and the importance of progress in the Dialogue on normalisation of relations. Grateful for 🇫🇷 strong support to the process. pic.twitter.com/TAGHGMCmUG

— Miroslav Lajčák (@MiroslavLajcak) November 21, 2024