Kryeministri i Shqipërisë Edi Rama deklaroi në takimin me shqiptarët në Londër, se qeveria shqiptare do të ndërmarrë një nismë ligjore për regjistrimin në Shqipëri të gjithë fëmijëve të prindërve që u regjistruan si shqiptarë të Kosovës në Angli.

Rama u shpreh më tej se disa ende sot kalojnë vështirësi burokratike për regjistrimin e fëmijëve në Shqipëri, pasi tjetër emër kanë në pasaportën angleze dhe tjetër duan të kenë në certifikatën e lindjes shqiptare.

“Disa prej jush, edhe këtu në Britani ju është dashur të fshehin identitetin e tyre, disa të bëjnë punë që nuk i kishin parë as në ëndrrën me të keqe kur morën rrugën për këtej. Ndërsa disa ende sot kalojnë vështirësi burokratike për regjistrimin e fëmijëve në Shqipëri, pasi tjetër emër kanë në pasaportën angleze, dhe tjetër duan të kenë në certifikatën e lindjes shqiptare.

Ne do ta ndërmarrin së shpejti një nismë ligjore për regjistrimin pa telashe në Shqipëri të gjithë fëmijëve të prindërve që u regjistruan si kosovarë këtu në Angli. Do të vazhdojmë përpjekjet diplomatike pranë qeverisë së re britanike për t’ju munduar të gjithëve ju që keni një emër nga ajo kohë, rikthimin e emrit të nënës dhe babës në të gjitha rastet kur ju e dëshironi këtë dëshironi këtë”, tha Rama.