Dy granata dore janë hedhur mbrëmë në oborrin e stacionit policor në Zveçan, shkruan gazeta online Reporteri.net.

Rasti është bërë i ditur në raportin e sotëm të Policisë së Kosovës. Policia bën të ditur se përveç dëmeve materiale, nuk ka të lënduar.

Rasti është duke u hetuar.

“Zveçan 26.11.2024, 23:55. Është raportuar se nga persona të panjohur janë hedhur dy granata dore në oborrin e stacionit policor, ku përveç dëmeve materiale nuk raportohet për të lënduar. Rasti nën hetime”, thuhet në raportin 24 orësh të Policisë së Kosovës.