Në Gjykatën e Prishtinës është mbajtur seanca praprake ndaj të pandehurit Dragisha Viqentijeviq, i arrestuar si i dyshuar për sulmin terrorist të kryer më 29.11.2024 në kanalin e ujit të Ibër-Lepencit në zonën e Zubin Potokut.

Avokati i të pandehurit, Millosh Delleviq, ka njoftuar se Gjykata e Prishtinës ka caktuar masën e paraburgimit prej një muaji ndaj të mbrojturit të tij.

Kujtojmë se nga një shpërthim që ka ndodhur më më 29 nëntor është dëmtuar kanali i ujit i Ibër-Lepencit.

Shpërthimi terrorist është kryer në fshatin Varagë të komunës së Zubin Potokut.

Qeveria e Kosovës thotë se ky sulm është dirigjuar e orkestruar nga Serbia e i kryer nga profesionistë.