Elon Musk dhe Giorgia Meloni duket se prej vitesh e admirojnë njëri-tjetrin – komentet në mediat sociale janë të zjarrta, madje presupozohet “çfarë dashurie fantastike?”

Po a mund të ketë pasoja kjo aleancë për Europën, tani që Trump rikthehet në Shtëpinë e Bardhë?

Politika, ekonomia, vlerat tejet konservatore – kryeministren italiane Giorgia Meloni dhe multimiliarderin Elon Musk duket se e bashkojnë shumë gjëra. Në media spekulohet madje, se aleanca Meloni-Musk ka potencialin të ndryshojë Italinë dhe BE.

Sidomos pas fitores së Donald Trump në zgjedhjet presidenciale. Tani që Europa ka shumë dilema me rikthimin e Trump, vëmendja është drejtuar nga Giorgia Meloni, e cila që herët ka vendosur kontakte me kampin e Trumpit.

Me përzierjen e Elon Musk në politikën amerikane, a do të fillojë për Melonin një kapitull i ri politik? Revista gjermane “Spiegel” shtron pyetjen, nëse “do të ndryshojë ajo kursin, e mbështetur nga republikanët e afërt në botëkuptim.

“Deri tani Meloni paraqitej në BE me një profil të moderuar e pragmatik, por do të mund tregojë ajo në BE një fytyrë tjetër me ardhjen e Trump e do të dojë të ndryshojë BE? Një fjali e saj i bën vëzhguesit të mendohen. Meloni ka thënë se “do të udhëheqë jo të vijë nga pas” Të presim çdo të sjellë viti i ardhshëm…/DW