Kryetari i Komunës së Rahovecit, Smajl Latifi ka marrë vendim që të ndalohet hedhja e fishekzjarreve nga data 20 dhjetor deri më 10 janar, shkruan Gazeta Online Repoteri.net.

Në një postim në Facebook, ku dhe ka publikuar vendimin, thuhet se personat që nuk e respektojnë një gjë të tillë do të gjobiten me 100 euro.

“Për sigurinë dhe qetësinë tuaj gjatë festave të fundvitit, kam urdhëruar ndalimin e përdorimit të mjeteve piroteknike në hapësirat publike. Zbatimi i këtij vendimi do të mbikëqyret nga inspektorët dhe Policia, ndërsa shkelësit do të ndëshkohen me gjobë prej 100 euro”, ka shkruar Latifi në Facebook.

/Reporteri.net/