Edon Cana, kandidat i Partisë Demokratike të Kosovë për zgjedhjet e 9 shkurtit, ka thënë se Kosova nën udhëheqjen e Bedri Hamzës do të bëhet anëtare e plotë e Këshillit të Evropës në maj të këtij viti.

Cana e ka dhënë këtë deklaratë në një intervistë për emisionin “Spotlight”, prodhim i Gazetës Online Reporteri.net.

“Unë javën e kaluar isha në Këshill të Evropës, takova disa miq të mi që janë në pozita drejtuese të Këshillit të Evropës dhe ju them me bindje të plotë dhe garanci që në maj të vitit 2025 me Bedri Hamzën Kryeminisër, Kosova do të bëhet anëtare e plotë e Këshillit të Evropës.”, ka thënë Cana.