Kandidati i LDK-së për kryeministër, Lumir Abdixhiku, ka publikuar një video nga tubimi që kjo parti ka zhvilluar mbrëmë në Prizren.

Ai ka thënë se është e qartë që LDK është ngritur në këmbë.

Abdixhiku ka shtuar se sallat janë të vogla për pjesëmarrjen e madhe që po ka në to.

“Fitorja e madhe tashmë ka nisur. Para disa ditëve mora zemër në Pejën e bukur të Dukagjinit. Vazhduam mbrëmë në Fushë Kosovë e sonte në Prizren. Është e qartë se LDK është ngritur tashmë në këmbë. Sallat janë të vogla për pjesëmarrjen tonë të madhe. E djathta po rikthehet në qeverisjen e ardhshme atdhetare. LDK jemi ne. Mbani mend tre numra të fitores, 124. 124 është numri ynë. Lidhja Demokratike e Kosovës është emri ynë. Republika e Kosovës është ëndrra jonë. Prizreni është shtyllë e madhe e ringritjes sonë. Pa Prizren nuk ka LDK. Pa LDK nuk ka as Prizren.