Presidenti i ShBA’së, Donald Trump, ka deklaruar se miliarderi Elon Musk nuk mund të marrë vendime i vetëm. Ai është i emëruari i Trumpit për ulje të shpenzimeve qeveritare.

“Musk nuk mund të marrë vendime pa miratimin tim”, kështu iu përgjigj Trump në Zyrën Ovale pyetjes së gazetarëve amerikanë lidhur me “fuqinë” e miliarderit Elon Musk në qeveri.

“Nuk kam vërejtur konflikte interesi në atë që bën Elon”, vazhdoi presidenti i SHBA-së.

Trump tutje ka theksuar se Musk mund të largojë njerëz nga puna, nëse edhe administrata pajtohet me të.

“Ai është i talentuar nga pikëpamja e menaxhimit dhe kostos dhe ne e vendosëm atë në krye që të shikojë se çfarë mund të bëjë me grupe dhe numra të caktuar.’, ka thënë Trump.