Instituti GAP ka publikuar një infografike, përmes së cilës ka treguar projektet që preken në Kosovë, pas Urdhërit Ekzekutiv të Presidentit të ShBA’së, Donald Trump, për pezullimin e ndihmës së huaj për tre muaj.

Sipas GAP, ky vendim ka ndikim në 18 projekte që aktualisht financohen nga USAID’it, e që ndikojnë në zhvillimin e vendit. Vlera e këtyre projekteve është mbi 156 milionë dollarë, shkruan Reporteri.net.

Një nga këto projekte ka pasur të përfundojë edhe një muaj, e të tjerat kohëzgjatja është edhe deri në mbi 3 vjet.

“Disa prej tyre kanë filluar që para pandemisë dhe shumica prej tyre zbatohen nga kompani amerikane e disa më të vogla nga organizata vendore. Përfituesit kryesorë përfshijnë institucione publike si komunat, ministritë, agjencitë e pavarura, universitetet, gjykatat, e po ashtu mediat, sektorin privat dhe organizatat e shoqërisë civile”, thuhet në postimin e GAP, ku është bashkënagjitur edhe tabela me projektet që financohen, partnerët implementues, shumën e financimit e kohëzgjatjen./Reporteri.net