Partia Demokratike e Kosovës po zhvilloi tubim masiv në komunën e Drenasit. Nga atje, kryetari i saj, Memli Krasniqi, theksoi rolin historik të kësaj komuyne në luftën për liri dhe në ndërtimin e Kosovës së sotme.

Ai vlerësoi Drenasin si një bastion të pathyeshëm të PDK-së dhe një shembull të përkushtimit ndaj kauzës kombëtare.

“Drenasi ka qenë zemra e luftës së Kosovës. Themeli i Lirisë sonë dhe krenaria e popullit tonë. Kemi dhënë gjithçka, bijtë dhe bijat e juaja më të mira për ëndrrën e një Kosovë të lirë e të pavarur. Sot edhe njëherë, si bastion i pathyeshëm i PDK-së, Drenasi qëndron në krye të misionit tonë për “Ma Mirë”. Ju jeni mbrojtësit e sakrificës. Ju jeni njerëzit e nderit. Ju jeni njereëzit e punës. Njerëzit që i kanë dhënë kaq shumë Kosovës.

“Sot luftojmë sërish jo më pushkë por me forcën e unitetit dhe programit tonë”, tha ai.