Policia e Rajonit të Gjakovës ka kërkuar ndihmën e qytetarëve për arrestimin e dy personave të dyshuar lidhur me një rast të vrasjes në tentativë, që është raportuar më 20 janar.

Personat që janë shpallur në kërkim janë Simon Tahiri, 25-vjeçar që banon në fshatin Dol dhe Enrik Berisha, 26-vjeçar nga fshati Jahoc, shkruan Reporteri.net.

“Policia e Kosovës fton qytetarët që, nëse kanë ndonjë informacion mbi vendndodhjen e personave të kërkuar, të njoftojnë menjëherë policinë përmes stacionit më të afërt policor ose duke kontaktuar në numrat 192 (pa pagesë) dhe 0390310482 (Drejtoria Rajonale e Policisë në Gjakovë). Çdo informacion do të trajtohet në mënyrë konfidenciale”, thuhet në njoftim.