Emisari special i SHBA-së për misione të veçanta, Richard Grenell ka reaguar sërish ndaj deklaratës së kryeministrit të Kosovës, Albin Kurti rreth marrëdhënieve me SHBA-në.

Kryeministri Kurti dje  në një tubim zgjedhor tha se marrëdhëniet me Shtetet e Bashkuara të  Amerikës janë më të forta se kurrë më parë.

Grenell postoi në X deklaratën e Kurtit me një fotografi ngjitur.

Ai e ka quajtur deklaratën e Kurtit deluzive teksa shton se me të në krye të Qeverisë, marrëdhëniet SHBA-Kosovë, kurrë s’kanë qenë në pikë më të uklët, shkruan gazeta online Reporteri.net.

“Deluzive. Marrëdhëniet nuk kanë qenë kurrë në pikë më të ulët. Albin Kurti është ndëshkuar  nga administrata e parë Trump, administrata e Bidenit, NATO, BE, Ambasada e SHBA-së, Anthony Blinken etj”, ka shkruar Grenell.

Delusional.

Relations have never been lower. Albin Kurti has been condemned by the first Trump Administration, the Biden Administration, NATO, the EU, the U.S. Embassy, Anthony Blinken, etc. https://t.co/jiqMrrk18d

— Richard Grenell (@RichardGrenell) February 7, 2025

Gjatë kësaj jave, pak ditë para zgjedhjeve, Grenell në një reagim tjetër tha se Kurti po gënjen se është i afërt me SHBA-në.

“Kurti ka qenë gjithashtu kundër çdo ideje të SHBA-së të ofruar nga presidentët Clinton, Bush, Obama, Biden dhe Trump. Retorika e përdorur nga Kurti tani, duke pretenduar se është i afërt me SHBA-në dhe më mirë se të gjitha qeveritë e tjera të Kosovës, është absolutisht e rreme. Mos u mashtroni”, ka shkruar Grenell në postimin  e së hënës.

Ky postim më pas u shpërnda edhe nga Donald Trump Junior, djali i presidentit amerikan, Donald Trump. /Reporteri.net/

Djali i Trumpit shpërndan postimin e Grenellit ku thoshte se Kurti po gënjen se është i afërt me SHBA-në