Shtetet e Bashkuara të Amerikës dhe Rusia diskutojnë për luftën në Ukrainë, në një takim të organizuar në Arabinë Saudite të martën, e në të cilin nuk po merr pjesë vetë Ukraina.

Kush po merr pjesë në delegacionin amerikan dhe atë rus?

Delegacioni rus:

Sergei Lavrov, ministri i Jashtëm i Rusisë. Lavrov, 72 vjeç, ka përfaqësuar Rusinë e Vladimir Putin në skenën ndërkombëtare për më shumë se 20 vjet

Yuri Ushakov, këshilltar i Putinit për politikën e jashtme. Ai ka shërbyer më parë si ambasador i Rusisë në SHBA.

Delegacioni amerikan:

Marco Rubio, Sekretar Amerikan i Shtetit. I konsideruar si një skifter i politikës së jashtme, ai u konfirmua në këtë rol muajin e kaluar. Mike Waltz, këshilltar për sigurinë kombëtare. Një veteran ushtarak dhe mbështetës prej kohësh i Trump.

Steve Witkoff, i dërguar për Lindjen e Mesme. Miku personal i Trump, shoku i golfit dhe miliarderi  i pasurive të paluajtshme

Dhe në krye tavolinës janë nikoqirët sauditë:

Ministri i Jashtëm saudit Princi Faisal bin Farhan al-Saud dhe këshilltari i sigurisë kombëtare Mosaad bin Mohammad al-Aiban. /Reporteri/net/