Komisioni Qendror i Zgjedhjeve ditën e djeshme  ka filluar me publikimin e rezultateve të kandidatëve për deputetë, të subjekteve politike që morën pjesë në zgjedhjet e 9 shkurtit.

Emra të rinj kishte në listën e thuajse të gjitha partive. E një nga ta ishte dhe Arbër Behluli, djali  i këngëtares së njohur kosovare Shkurte Fejza.

Mirëpo, Arbër Behluli nuk arriti t’i marrë votat e mjaftueshme, për t’u bërë deputet i Kuvendit të Kosovës, shkruan gazeta online Reporteri.net

Behluli i cili kishte numrin 24 në listën e PDK-së,  nga numërimi i mbi 94 përqind të votave, arriti deri më tani t’i marrë vetëm 6 mijë e 491 vota, vota këto të pamjaftueshme për të siguruar një ulëse në Kuvendin e Kosovës.

Numërimi i votave është duke vazhduar aktualisht edhe në tri komunave të mbetura./Reporteri.net/