Kanë dalë pamje të reja nga ngjarja që ka ndodhur sot në Bielefeld të Gjermanisë, ku edhe po mbahej gjyqi për vrasjen e boksierit shqiptar, Besar Nimani.

Në këtë video të publikuar në “X” shihet kur një prej personave të plagosur rrëzohet në mes të rrugës, ndërkohë më pas i njejti merret nga ndihma e shpejtë.

Siç kanë raportuar mediat gjermane, bëhet fjalë për tre persona të plagosur në Bielefeld e që dyshohet se janë familjarë të personit të dyshuar për vrasjen e boksierit shqiptar, Besar Nimani.

Lidhur me rastin, një person si i dyshuar është arrestuar.

I akuzuari Akkurt u arrestua në qershor të vitit të kaluar në Bruksel. Dyshohet se së bashku me Aymand Daëoud Kirit (33), që është në arrati, e vranë Nimanin në Bielefeld. Ata kishin shkrepur 16 plumba në drejtim të boksierit kosovar që vdiq në vendin e ngjarjes.