Bordi i Korporatës Energjetike të Kosovës e ka shkarkuar Bekir Gërgurin nga pozita e Ushtruesit të  Detyrës së Kryeshefit Ekzekutiv të kësaj ndërmarrje si dhe Ramadan Budakovën nga pozita e u.d së zëvendës Kryeshefit Ekzekutiv, të cilët kanë ushtruar këto pozita tash e një vit, shkruan Reporteri.net.

Në vend të Gërgurit, Bordi ka emëruar Gramos Hashanin, që deri tash ka mbajtur pozitën e Zyrtarit Kryesor Financiar dhe Thesarit në KEK, ndërsa në vend të Budakovës është emëruar Gëzim Paci, i cili deri tani ka mbajtur pozitën Menaxher i Pasurisë në Divizionin e Financave.

Konkursi për Kryeshef të KEK’ut do të shpallet të hënën.

“Bordi i Drejtorëve ka falënderuar z. Gërguri dhe z. Budakova për kontributin e tyre të deritanishëm, e sidomos për menaxhimin e situatës së krijuar pas sulmit në Kanalin e Ibër Lepencit, dhe u ka uruar suksese në angazhimet e mëtutjeshme brenda Korporatës”, thuhet në njoftim./Reporteri.net