Rusia ka emëruar diplomatin e karrierës Alexander Darchiev si ambasadorin e saj të ri në Shtetet e Bashkuara.

Kjo është një shenjë e shkrirjes së marrëdhënieve midis dy vendeve, pasi Rusia nuk kishte ambasador në SHBA që nga tetori i kaluar mes tensioneve në rritje si pasojë e pushtimit të paligjshëm të Ukrainës, shkruan The Guardian.

Ministria ruse e Punëve të Jashtme tha se Darchiev do të nisej për në Uashington “në të ardhmen e afërt”.

Të dy vendet kanë punuar për rivendosjen e marrëdhënieve diplomatike në fund të samitit SHBA-Rusi në Riad dhe mbajtën një takim pasues për këtë çështje specifike në Stamboll vetëm dje.