Një burrë, 57 vjeçar është gjendur sot rreth orës 18:15 pa shenja jete i shtrirë në tokë në bulevardin “Bill Klinton” në Prishtinë. 

Lajmin për Reporteri.net e ka konfirmuar zëdhënësi i Policisë së Kosovës për Rajonin e Prishtinë, Agron Borovci.

Ai tha se Policia ka nisur hetimet për zbardhjen e këtij rasti.

“Policia menjëherë ka dalë në vendin e ngjarjes si dhe mjekët emergjent të cilët kanë konstatuar se personi, mashkull, rreth 57 vjeç, është pa shenja jete. Aktualisht policia ka nisur një hetim mbi vdekjen me qëllim zbardhjen e plotë të të gjitha rrethanave që karakterizojnë rastin”, ka thënë Borovci.