“Në spital të thashë lamtumirë, babë! Nga Haga të them, mirupafshim në parajsë”, ky është mesazhi i ish-presidentit, Hashim Thaçi, në kurorën me lule për babain e tij, Haxhi Thaçi.

Hashim Thaçi nuk u lejua të marrë pjesë në varrimin e babait të tij.

Dhomat e Specializuara në Hagë thanë sot në mëngjes se s’kishin pranuar një kërkesë publike për një vizitë të tillë.

Mirëpo kjo u hodh poshtë nga avokati i Thaçit, Luka Mishiq i cili tha se kërkesa ishte bërë qysh dje para orës 14:00.

Vizita e tyre e fundit ishte ajo e së enjtes, javën e kaluar, ku Thaçi u lejua për vizitë, dhe takoi babain e tij në QKUK, ku qëndroi për tri orë.

Haxhi Thaçi vdiq mbrëmjen e së dielës në QKUK, tri ditë pas vizitës nga Haga që i bëri i biri i tij, ish-presidenti Thaçi, ku dhe ishte i shtrirë prej javësh për shkak të gjendjes shëndetësore.

/Reporteri.net/