Presidenti amerikan Donald Trump ka reaguar pas bisedën telefonike që pati me presidentin Vladimir Putin.
Përmes një postimi në rrjetin “Truth Social”, Trump shkruan se me Putin ra dakord për një armëpushim të menjëhershëm në sektorin e energjisë dhe infrastrukturës, me mirëkuptimin se do të punojnë shpejt për të arritur një armëpushim të plotë dhe një fund në luftë.
“Sot pata një bisedë shumë të mirë dhe produktive me Presidentin Putin të Rusisë. Ne ramë dakord për një armëpushim të menjëhershëm në sektorin e energjisë dhe infrastrukturës, me mirëkuptimin se do të punojmë shpejt për të arritur një armëpushim të plotë dhe, në fund, një FUND për këtë luftë të tmerrshme mes Rusisë dhe Ukrainës.”, ka shkruar Trump.
Ai tha se kjo luftë nuk do të kishte filluar kurrë nëse ai vetë do të ishte president.
Trump tha se me Putinin diskutuan shumë elemente të një Marrëveshjeje për Paqe, “përfshirë faktin se mijëra ushtarë po humbin jetën, dhe si Presidenti Putin ashtu edhe Presidenti Zelenskyy duan që kjo të marrë fund”.
“Ky proces tani është në fuqi dhe po ecën përpara, dhe shpresojmë, për hir të njerëzimit, ta çojmë deri në fund”, shkruan Trump.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.