Haxhi Thaçi, babai i ish-presidentit të Kosovës, Hashim Thaçit, u varros dje në fshatin e tij të lindje në Burojë të Skenderajt.

Familja sot do të hap të pame, ku njerëzit mund të shkojnë dhe t’i shprehin ngushëllime familjes Thaçi.

Të pamet zgjasin deri të premten, 21 mars.

Haxhi Thaçi, vdiq të dielen pas një sëmundje të rëndë.

Ai një kohë ishte i shtrirë në spital, për shkak të gjendjes së keqe shëndetësore.

Pak ditë para se ai ti mbyllte sytë, atë në spital e vizitoi djali i tij, ish-presidenti Hashim Thaçi.

Por, këtij të fundit, Haga nuk ia mundësoi të ishte i pranishëm në varrimin e babait, pavarësisht kërkesës së bërë.