Dy persona janë gjetur të vdekur në rrënojat e një shtëpie të shkatërruar nga zjarri në Epagny të Zvicrës.

Viktimat u identifikuan më vonë.

Ata janë një çift me origjinë kosovare, përkatësisht një burrë 41-vjeçar dhe një grua 39-vjeçare, transmeton gazeta online Reporteri.net.

Sipas gjetjeve të 48 orëve të fundit, burri i armatosur me pushkë është shfaqur në vendin e punës së gruas së tij ku ajo punonte si mirëmbajtëse.

Pasi ka hyrë në banesë, ka qëlluar disa herë gruan e tij para se ta qëllojë veten, raportojnë mediat atje.

Për shkakun e zjarrit, hetimet janë ende në vijim.

Gjithashtu u konfirmua se autori i dyshuar ishte ish-punonjës i kompanisë fqinje – por ky aspekt nuk ka të bëjë me këtë rast.

Çifti kishin pasur probleme të vazhdueshme.

Prokurori i Përgjithshëm konfirmoi se procedimet për dhunën në familje ishin në pritje që nga shtatori 2024 dhe se burri ishte ndaluar nga 18 shtatori deri më 5 dhjetor 2024 , përpara se të lirohej në disa kushte, duke përfshirë një urdhër ndalimi, mbështetje terapeutike për të përballuar dhunën dhe ndihmë me kusht.

Hetimet janë duke vazhduar./Reporteri.net/