Sot është duke u zhvilluar seanca konstituive Kuvendi i Kosovës ku deputetët e rinj të zgjedhur nga zgjedhjet e 9 shkurtit, do të bëjnë betimin e tyre.

Në këtë seancë janë duke marrë pjesë 119 deputetë.

Ky është betimi që do ta bëjnë deputetët.

““Unë, deputet i Kuvendit të Republikës së Kosovës, betohem se me nder e me përkushtim do ta kryej detyrën time dhe do ta përfaqësoj me dinjitet popullin, do të punoj në interes të Kosovës dhe të gjithë shtetasve të saj, do të angazhohem për mbrojtjen dhe për respektimin e kushtetutshmërisë dhe të ligjshmërisë, për mbrojtjen e sovranitetit, tërësisë territoriale dhe të integritetit institucional të Kosovës, për garantimin e lirive dhe të drejtave të njeriut, në përputhje me ligjet e vendit. Betohem!”.