Policia e Kosovës bashkë me prokurorinë do të mbajë konferencë për media lidhur me aksionin e sotëm në Kaçanik i cili ndërlidhet me vrasjen e rreshterit policor, Muhamed Lika, shkruan Gazeta Online Reporteri.net.

Konferenca do të mbahet në Drejtorinë Rajonale të Policisë në Ferizaj në ora 11:30.

Njoftimi:

FTESË PËR MEDIA

Prishtinë, më 21 prill 2025

Sot, më 21.04.2025, Policia e Kosovës në bashkëpunim me Prokurorinë do të mbaj një konferencë për media ku do të shpalosen detaje rreth operacionit policor që u zhvillua në orët e hershme të mëngjesit në komunën e Kaçanikut dhe i cili ndërlidhet me rastin e vrasjes së Rreshterit policor Muhamed Lika. Në këtë konferencë do ta marrë pjesë: drejtori i përgjithshëm i PK-së kolonel Gazmend HOXHA, Kryeprokurori i Prokurorisë në Ferizaj z. Burim Çerkini.

Datë: 21.04.2025

Vendi: Drejtoria Rajonale e Policisë së Kosovës – Ferizaj

Ora: 11:30

Ftohen mediat të marrin pjesë dhe ta përcjellin këtë ceremoni.

/Reporteri.net/