Operacioni i Antidrogës në bashkëpunim me Prokurorinë Themelore të Prishtinës, i nisur sot në orën 15:00, është duke vazhduar edhe në lokacione të tjera.

Zëdhënësi i Policisë së Kosovës, Daut Hoxha, ka konfirmuar për Reporteri.net se në Fushë Kosovë janë kapur 2kg substancë e dyshuar narkotike dhe një armë.

Gjatë ditës, në Veternik të Prishtinës poashtu u kapën 2kg drogë.

“Edhe ne Fushe Kosovë në kuader të vazhdimit të këtij operacioni janë sekuestruar mbi 2 kg substance e dyshuar narkotike dhe një armë”, ka deklaruar Hoxha.

Prokuroria Themelore e Prishtinës deklaroi se është në zhvillim e sipër të këtij aksioni, si dhe në bashkëpunim me organet e rendit po vazhdojnë hetimet e ngjarjes si dhe sqarimin e plotë të rrethanave të rastit.