Dy qytetarëve në Ferizaj, Policia u ka shqiptuar gjobë prej 200 eurosh, dy pikë negative si dhe ndalim të patentë shoferit për tre muaj për tejkalim shpejtësie.

Në një komunikatë për media, Drejtoria Rajonale e Policisë në Ferizaj njofton se më 1 maj dhe 3 maj 2025, në rrugën ‘Rexhep Bislimi’ në Ferizaj, kanë ndaluar dy shoferët Ç.XH. (24 vjeç) dhe F.S. (48 vjeç).

Sipas Policisë, dy kundërvajtësitë, po lëviznin me shpejtësi mbi kufirin e lejuar prej 40 kilometra në orë ku njëri prej tyre tyre lëvizte me 76 kilometra në orë dhe tjetri me 71 kilometra në orë.Policia Rajonale e Ferizajt ka apeluar për respektim të rregullave të trafikut.