Kryeministri i Kosovës, Albin Kurti, ka zhvilluar një takim informal me përfaqësues të komuniteteve joshumicë para seancës së sotme për konstituimin e Kuvendit, e cila pritej të nisë në orën 10:30.
Kjo është tentativa e 17-të për ta konstituuar Kuvendin, pas disa përpjekjeve të pasuksesshme në javët e fundit.
Takimi me kafe është mbajtur në një atmosferë të qetë, mirëpo është vërejtur mungesa e dy deputetëve: Duda Balje dhe Veton Berisha, të cilët nuk morën pjesë në këtë takim joformal.
Nuk dihet nëse mungesa e tyre është e lidhur me zhvillimet politike të fundit.
Kuvendi i Kosovës nuk është konstituar as në përpjekjen e 17-të. Në seancën e mbajtur të shtunën, sërish propozimi i Lëvizjes Vetëvendosje për formimin e një komisioni për votim të fshehtë dështoi, pasi nuk mori votat e mjaftueshme.
Risia e vetme e seancës së sotme është që para fillimit të seancës, kryesuesi i saj, Avni Dehari, deputet i VV-së, i thirri tek foltorja e tij dhe iu propozoi atyre që seancat të mbahen një herë në javë, e jo çdo 48 orë, shkruan Reporteri.net.
Por, kjo u refuzua kategorikisht nga PDK e LDK duke thënë se kërkesa e VV-së është në kundërshtim me Rregulloren e Kuvendit, e cila parasheh që seanca të thirret brenda 48 orëve.
Kryetari i PDK-së, Memli Krasniqi, ka thënë se deputetët e Lëvizjes Vetëvendosje, kanë propozuar që të mblidhen një herë në javë në tentim për konstituim të Kuvendit, e jo të vazhdohet me seanca çdo 48 orë.
“E para, deputetët e partisë që doli e para në zgjedhje, nuk erdhën as me kohë. Erdhën 45 minuta me vonesë. Kur erdhën patën një kërkesë që në mënyrë të organizuar ta shkelim rregulloren. Kërkesa e tyre është në kundërshtim me rregulloren që thotë se të mblidhemi çdo dy ditë derisa të konstituohet Kuvendi. Kërkuan të mblidhemi një herë në javë. E para është krejtësisht e papranueshme me bë kërkesë të tillë me shkelë deputetët rregulloren me vetëdije. E dyta vullneti i tyre nuk është në asnjë mënyrë me tentu me bë zgjidhje me lëviz para, por thjeshtë këto repriza mos me u mbajt jo çdo dy ditë, por çdo javë”, tha Krasniqi.
Ai tha se mbetet te presidentja e Kosovës, Vjosa Osmani, se kur do të dërgojë pyetje në Kushtetuese, nëse më herët nuk i drejtohet Kushtetueses ndonjë deputet.
Ai ka thënë se do të ishte më e udhës që Vetëvendosje ta ndërrojë kandidatin për kryetar të Kuvendit e të propozojë dikë të pranueshme e të procedohet me konstituim.
“Duket që për Kurtin është më e rëndësishme Albulena Haxhiu se qytetarët që kanë votuar më 9 shkurt”, tha ai.
Krasniqi ka thënë se në rrethana aktuale “shteti është jonfuksional” dhe se çdo vonesë po e dëmton më tepër.
Edhe deputetja e LDK-së, Hykmete Bajrami, konfirmoi se kryesuesi i seancës Avni Dehari, kërkoi para seancës së sotme që takimet për përpjekje rreth konstituimit të mbahen vetëm një herë në javë, dhe jo çdo 48 orë siç është përcaktuar në Rregullore.
“E shohim si indikacion shtesë që VV-ja nuk është absolutisht e interesuar ta bëjë konstituimin e Kuvendit”, deklaroi Bajrami, duke shtuar se i ka bërë të qartë Vetëvendosjes se mund të propozojë edhe 47 kandidatë të tjerë për kryetar kuvendi “për të parë se cili prej tyre i merr votat”.
“Ata mungesën e institucioneve e kanë reduktuar në problem të mbledhjes çdo 48 orë. Natyrisht që u refuzua një kërkesë e tillë”, theksoi ajo.
Bajrami u shpreh e zhgënjyer me faktin që vendi ka hyrë në një cikël bllokues, ndërsa partitë nuk po arrijnë të merren vesh për zgjidhje.
“Është fatkeqësi që jemi mbledhur për herë të 17-të”, ka thënë ajo.
Ndërsa, Mimoza Kusari-Lila, deputete e VV-së ndërsa foli për propozimin që seancat të mbahen një herë në javë, tha se ky propozim i tyre ka ardhë pasi 48 orëshi nuk po jep rezultat, shkruan Reporteri.net.
“Seanca filloi me konsultim që të ketë shmangie të Rregullores, të takohemi më rrallë, pasi 48-orëshi nuk po jep rezultat. Nga parafolësit u akuzuam për shkelje, por ishte vetëm një propozim për marrëveshje, jo vendim i njëanshëm”, tha Kusari-Lila, duke thënë se nuk ishte shkelje të Rregullores së Kuvendit.
“Kjo nuk ishte shkelje, sepse nuk u realizua. Ishte vetëm një propozim për dakordim mes të gjitha partive”, ka thënë Kusari-Lila gjatë deklarimit të saj.
Ajo sërish e theksoi se partitë që ishin në opozitë po vazhdojnë të mbajnë pozicione bllokuese.
Kurse, vet kryesuesi i Kuvendit të Kosovës, Avni Dehari, ka thënë se propozimin që të mbahet seanca veç një herë në javë e ka bërë pasi nuk ka kuptim deputetët të vijnë çdo 48 orë në Kuvend kur rezultati po del i njejtë.
Dehari thotë se në seancën e radhës që do të mbahet më 19 maj, pret që grupet parlamentare të sjellin një vendim për këtë propozim.
“Ata po deklarohen para medieve sepse nuk ka kuptim që të vijnë çdo 48 orë, për shkak se rezultati po del i njëjtë dhe unë e pashë të nevojshme që të konsultohem me ta, nëse janë të mendimit ata shprehen mendimin që të konsultohen me grupet e tyre parlamentare dhe në seancën tjetër të sjellin një vendim. Rregullorja obligon që t`i thërrasësh deri sa nuk ka një zgjidhje, natyrisht do të ishte më mirë që të kishte zgjidhje, por derisa nuk ka zgjidhje detyrohesh t`i thërrasësh çdo 48 orë. Kam një takim me kryeministrin Kurti por të natyrës tjetër, jo për këtë”, ka deklaruar Dehari pas dështimit të konstituimit të Kuvendit.
/Reporteri.net/.
Kreu i Vetëvendosjes, njëherit deputeti Albin Kurti, sot i pari hyri në sallën e Kuvendit edhe pse me 30 minuta me vonesë.
Ai shkoi i vetëm tek ulësja e tij, ku pranë aty prej javësh e ka edhe flamurin e Shqipërisë.
Nuk vonoi shumë dhe e dyta nga VV në sallë hyri kandidatja për kryetare të Kuvendit, Albulena Haxhiu.
Ajo që bie në sy është se në momentin që Haxhiu hyri në sallë, kaloi fare pranë Kurtit dhe nuk u përshëndetën mes vete. Më pas Haxhiu shkon ulet në vendin e saj, dhe siç mund ta shikoni dhe në video as Kurti fare nuk e shikon bashkëpartiaken e tij, shkruan Reporteri.net.
Megjithatë, nuk dihet nëse ata ishin përshëndetur para fillimit të seancës.
Kujtojmë se sot dështoi edhe tentimi i 17-të i deputetëve për konstituimin e Kuvendit. /Reporteri.net/.
Kryesuesi i Kuvendit të Kosovës, Avni Dehari pas tentativës së 17-të për konstituim të Kuvendit ka deklaruar se ka konsultuar me partitë opozitare për propozimin që Vetëvendosje e ka dhënë që të ketë një herë në javë thirrje të seancës, jo çdo 48 orë.
Dehari thotë se në seancën e radhës që do të mbahet më 19 maj, pret që grupet parlamentare të sjellin një vendim për këtë propozim.
Ndryshe, kryesuesi i Kuvendit ka bërë të ditur se gjatë ditës pritet të takohet me kryeministrin në detyrë, Albin Kurti.
“Ata po deklarohen para medieve sepse nuk ka kuptim që të vijnë çdo 48 orë, për shkak se rezultati po del i njëjtë dhe unë e pashë të nevojshme që të konsultohem me ta, nëse janë të mendimit ata shprehen mendimin që të konsultohen me grupet e tyre parlamentare dhe në seancën tjetër të sjellin një vendim. Rregullorja obligon që t`i thërrasësh deri sa nuk ka një zgjidhje, natyrisht do të ishte më mirë që të kishte zgjidhje, por derisa nuk ka zgjidhje detyrohesh t`i thërrasësh çdo 48 orë. Kam një takim me kryeministrin Kurti por të natyrës tjetër, jo për këtë”, ka deklaruar Dehari pas dështimit të konstituimit të Kuvendit./teve1.info/
Kuvendi i Kosovës në seancën e sotme mbajt një minut heshtje për Ukshin Hotin.
Deputetët me një minutë heshtje nderuan veprimtarin Ukshin Hoti – i cili rezulton i zhdukur qe 26 vjet.
Pas kërkesës së kryesuesit të seancës, Avni Dehari, të gjithë deputetët u ngritën në këmbë, përveç atyre të Listës Serbe.
Sot kryesuesi i seancës, deputeti i Vetëvendosjes, Avni Dehari, kërkoi që vazhdimet e seancës konstituive të mbahen vetëm një herë në javë, por kjo u refuzua nga PDK e LDK.
Për këtë propozim ka folur pas seancës, deputetja e VV-së, Mimoza Kusari-Lila, e cila thotë se ky propozim i tyre ka ardhë pasi 48 orëshi nuk po jep rezultat, shkruan Reporteri.net.
“Seanca filloi me konsultim që të ketë shmangie të Rregullores, të takohemi më rrallë, pasi 48-orëshi nuk po jep rezultat. Nga parafolësit u akuzuam për shkelje, por ishte vetëm një propozim për marrëveshje, jo vendim i njëanshëm”, tha Kusari-Lila, duke thënë se nuk ishte shkelje të Rregullores së Kuvendit.
“Kjo nuk ishte shkelje, sepse nuk u realizua. Ishte vetëm një propozim për dakordim mes të gjitha partive”, ka thënë Kusari-Lila gjatë deklarimit të saj.
Ajo sërish e theksoi se partitë që ishin në opozitë po vazhdojnë të mbajnë pozicione bllokuese. /Reporteri.net/.
Deputetja e LDK-së, Hykmete Bajrami, ka bërë të ditur se kryesuesi i seancës Avni Dehari, kërkoi para seancës së sotme që takimet për përpjekje rreth konstituimit të mbahen vetëm një herë në javë, dhe jo çdo 48 orë siç është përcaktuar në Rregullore.
“E shohim si indikacion shtesë që VV-ja nuk është absolutisht e interesuar ta bëjë konstituimin e Kuvendit”, deklaroi Bajrami, duke shtuar se i ka bërë të qartë Vetëvendosjes se mund të propozojë edhe 47 kandidatë të tjerë për kryetar kuvendi “për të parë se cili prej tyre i merr votat”.
“Ata mungesën e institucioneve e kanë reduktuar në problem të mbledhjes çdo 48 orë. Natyrisht që u refuzua një kërkesë e tillë”, theksoi ajo.
Bajrami u shpreh e zhgënjyer me faktin që vendi ka hyrë në një cikël bllokues, ndërsa partitë nuk po arrijnë të merren vesh për zgjidhje.
“Është fatkeqësi që jemi mbledhur për herë të 17-të”, ka thënë ajo. /Reporteri.net/.
Deputetja e Lëvizjes Vetëvendosje, Edona Llalloshi, ka publikuar një fotografi në llogarinë e saj në Instagram, pak para nisjes së seancës së 17-të në përpjekje për konstituimin e Kuvendit të Kosovës.
Ajo shihet duke pozuar së bashku me deputeten e VV-së, Saranda Bogujevci, dhe ministren në detyrë të Drejtësisë, Albulena Haxhiu – e cila njëherësh është edhe kandidate për kryetare të Kuvendit të Kosovës.
“Dy gra të fuqishme, që thyejnë limite, jo për t’u dalluar, por për të hapur rrugë për të tjerat”, ka shkruar interpretuesja e hitit “Ditë për Ditë” në mbishkrimin e fotografisë.
View this post on Instagram
Kreu i PDK-së, Memli Krasniqi, pas dështimit të seancës ka thënë se Lëvizja Vetëvendosje ka tentuar ta shkelë rregulloren e Kuvendit.
Ai tha se VV ka kërkuar që seancat të mbahen një herë në javë, e jo çdo dy ditë, shkruan Reporteri.net.
“Kërkesa e VV-së ishte me u mbajt seanca një herë në javë, ne i thamë se nuk mund ta shkelim rregulloren, duhet të mbahen seancat siç e sheh rregullorja”, tha Krasniqi.
Krasniqi tha se Vetëvendosje duhet ta ndërrojë kandidatin për kryetare të Kuvendit.
“Duket që për Kurtin është më e rëndësishme Albulena Haxhiu se qytetarët që kanë votuar më 9 shkurt”, tha ai. /Reporteri.net/.
As në përpjekjen e 17-të nuk është konstituar Kuvendi i Kosovës.
Lëvizja Vetëvendosje ka dështuar edhe në seancën e sotme që të ndryshojë formën e votimit për zgjedhjen e Kryetarit të Kuvendit në formë të fshehtë, shkruan Reporteri.net.
Partitë sërish janë deklaruar kundër dhe nuk kanë propozuar anëtarë për Komision.
Pas dështimit të votimit të Komisionit, Kryesuesi Avni Dehari e ka ndërprerë seancën.
“53 deputetë kanë votuar për, një kundër, asnjë abstenim. Shihemi më 19 maj, në orën 10:30”, tha Dehari. /Reporteri.net/.
Kryesuesi i seancës, Avni Dehari ka ftuar për konsultime përfaqësuesit e partive politike, para nisjes së seancës konstituive.
Nuk dihet pse ka ndodhur një gjë e tillë.
Në ora 10:30 ishte paraparë të fillojë seanca dhe të bëhet njëherit përpjekja e 17-të për konstituimin e Kuvendit të Kosovës, por kjo nuk ka ndodhur.
Deputetët e VV-së kanë ardhur në sallë të seancave me 30 minuta vonesë.
Me vonesë kanë ardhur edhe deputetët e NISMA-s.
Ndërkaq, në sallë nuk shihen të kenë ardh deputetët e AAK-së.
Të parët ishin ardhë deputetët e PDK-së dhe LDK-së.
Deputetja Duda Balje ka folur para fillimit të seancës ku ka bërë të ditur se nuk do të ndryshohë qëndrimin e saj as sot.
Ajo tha se nuk do të ketë votë për votim të fshehtë, shkruan Reporteri.net.
Ndërkaq nga Vetëvendosje kanë konfirmuar se nuk do të ndryshojnë kandidatin për kryeparlamentar, dhe sërish e propozuara e tyre do të jetë Albulena Haxhiu.
Seanca ishte paraparë të fillojë në ora 10:30, por edhe pse kanë ikur gati 30 minuta ende nuk ka nisur. /Reporteri.net/.
Deputeti i LDK-së, Arben Gashi, ka thënë se është detyrë kushtetuese e Lëvizjes Vetëvendosje që të sigurojë konsensus brenda Kuvendit në mënyrë që të kalojë kandidati i tyre për kryetar të Kuvendit.
“E drejta kushtetuese i ka lindur Vetëvendosjes të propozojë kryetarin e Kuvendit sipas rezultatit të zgjedhjeve, prandaj lind edhe detyra kushtetuese që të garantojë një shumicë për votimin e kandidatit ose kandidates për kryetar të kuvendit. Në këtë rast, VV e ka për detyrë kushtetuese të gjejë edhe konsensusin brenda Kuvendit në mënyrë të kandidati të kalojë”, tha ai.
Sa i përket propozimit të LDK-së për qeveri tranzicionale, Gashi tha se ky është qëndrim zyrtar i partisë të cilës i takon ai.
“Është qëndrim zyrtar i LDK-së si zgjidhje opsionale për kalimin e krizës, një qeveri me një mandat dhe afat të caktuar për të krijuar një situatë më të relaksuar politike deri në zgjedhjet e ardhshme”, tha Gashi.
Deputetja e PDK-së, Ganimete Musliu para seancës së Kuvendit, tha se gjendja tanimë po bëhet e padurueshme dhe mediat, qytetarët, e opozita, duhet ta ngrisin zërin sepse heshtja e përgjithshme do të thotë pjesëmarrje në faj.
Sipas saj, shteti i Kosovës nuk e ka luksin që të tolerojë tutje një stagnim të tillë i cili e ka ngulfat Kosovës, qoftë në zhvillimin ekonomik, qoftë në marrëdhëniet ndërkombëtare..
“Nuk na ka borxh Kosova ne si politikan të sillemi në këtë formë, kur e them për partinë që e ka marrë besimin e shumicës së qytetarëve. Qytetarët nuk e meritojnë këtë trajtim nga një njeri që njëherë ka marrë një herë 51 %, tani mbi 40 përqind dhe ai të sillet kështu. Ju jetoni këtu, po i shiheni çmimet çdo ditë duke u rritur, pagat janë në çdo nivel, shtrenjtimi i rrymës po vazhdon, abuzimi me institucionet e vendit po vazhdon çdo ditë nuk ke pse del në rrugë të cilët ta mbushin mendjen që po bëjnë gara, bordet i kanë mbushur me militant partiak dhe kanë arrit në shkallën më të lartë të degradimit të shtetit të Kosovës”, tha ai.
Musliu bëri të qartë se nuk ka votën nga PDK për asnjë kandidatë i cili ka qen në qeverinë Kurti2.
Ajo i bëri thirrje Albulena Haxhiut që të reflektojë dhe të mos abuzohet nga një njeri që ka etje për pushtet.
Sot më 17 maj, deputetët e Kuvendit të Kosovës do të përpiqen sërish për të shtatëmbëdhjetën herë për të konstituuar Kuvendin e dalë nga zgjedhjet e 9 shkurtit.
Deputeti i Vetëvendosjes, Arben Vitia, sot para fillimit të seancës ka thënë se nuk pret se do të ndryshojë kandidati për kryeparlamentar.
“Jo, në asnjë mënyrë. Po presim përgjigje edhe Gjykata Kushtetuese, nuk pritet të ndryshojë as forma e votimit”, tha Vitia.
Ai tha se konstitutimi i Kuvendit “natyrisht se është urgjent”.
Subjektet politike, PDK, LDK, AAK kanë deklaruar se nuk do ta votojnë Haxhiun për këtë pozitë.
Sot më 17 maj, deputetët e Kuvendit të Kosovës do të përpiqen sërish për të shtatëmbëdhjetën herë për të konstituuar Kuvendin e dalë nga zgjedhjet e 9 shkurtit.
Seanca do të nisë nga ora 10:30, siç ka bërë të ditur kryesuesi i seancës, Avni Dehari, të enjten kur deputetët për të tetën herë me radhë nuk e formuan komisionin për mbikëqyrjen e një votimi të fshehtë për të zgjedhur kryeparlamentarin e ri.
Subjektet politike, PDK, LDK, AAK kanë deklaruar se nuk do ta votojnë Haxhiun për këtë pozitë. Ndërsa, Vetëvendosje ka deklaruar se nuk do ta ndërrojë kandidaten e tyre.
Pasi seanca dështoi, në Presidencën e Kosovës të enjten u mbajt takimi mes presidentes Vjosa Osmani dhe krerëve të partive të mëdha me synimin për të diskutuar hapat për daljen nga blllokada.
Takimi i Osmanit me krerët e partive shumicë shqiptare u pasua me një takim me partitë e komuniteteve joshumicë, por të gjitha këto takime nuk dhanë ndonjë rezultat. /Reporteri.net/.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
