Deputeti i LDK-së, Armend Zemaj ka thënë se partia ku ai bën pjesë është e vetmja që ka dhënë qëndrim dhe zgjidhje për të dalë nga bllokadë disa javëshe në Kuvend, shkruan Reporteri.net.

Ai tha se fajtori kryesor për situatën është Lëvizja Vetëvendosje.

“Fajtori kryesor i kësaj gjendje është VV, pasi ajo i ka numrat më të mëdhenj të deputetëve për të ofruar zgjidhje. S’janë të interesuar për marrëveshje politike që e ndihmon Kosovën”, tha ai para gazetarlve.

Rreth asaj se VV-ja ka kontaktuar dy deputetë të LDK-së për të votuar, Zemaj tha se atë personalisht nuk guxon askush jashta LDK-së ta kontaktoj.

“Unë nuk jam kontaktuar, dhe ta quaj në gjuhën popullore s’guxon askush të më kontaktoj jashta subjektit tim politik pasi votën e kam marrë nga elektorati i LDK-së”.

“Ka pasur zëra që në mënyrë tërthorazi jo të drejtëpërdrejtë, por më shumë është propagandë nga VV-ja për ta arsyetur paaftësinë e tyre, për ta arsyetur propagandën se i kanë numrat për qeverinë. Edhe tendenca për votë të heshur është arsyetim i dështimit të tyre në vazhdimësi, pasi brenda votës së fshehur mund të fshihen edhe gjëra tjera “, tha Zemaj.

/Reporteri.net/