Kandidatja e propozuar për kryetare të Kuvendit, Albulena Haxhiu, ka akuzuar partitë që ishin në opozitë se nuk kanë vullnet për të konstituar Kuvendin.

“Siç e dini më 1 maj ka filluar propozimi i kryesuesit të seancës konstituive, duke pasur parasysh që kishte disa dështime me votim të hapur. Në asnjërën prej këtyre seancave nuk e kemi parë as minimumin e vullnetit të opozitës për të kontribuuar në konstituimin e Kuvendit të Republikës së Kosovës”, tha Haxhiu.

Ajo tha se VV nuk mbështetë qeveri të tranzicionit siç ka propozuar LDKja, ndërsa tha se i kanë votat për formimin e Qeverisë.

Megjithatë, Haxhiu nuk përgjigjej kur u pyet nga gazetarët, si i kanë votat për qeverinë, e jo për ta zgjedhur kryetarin e Kuvendit, këtë rast vet atë.

“Ne i kemi numrat për qeverinë, le të na masin, le të na sfidojnë. Këta e dijnë që i kemi votat për qeverinë, prandaj e mbajnë peng Kuvendin”, tha Haxhiu. /Reporteri.net/.