Real Madridi nuk ka mundur të marrë më shumë se një barazim të vështirë 2-2, në stadiumin e saj në Santiago Bernabeu, kundër ekipit modest Club Brugge.

Vendasit kaluan në epërsi qysh në minutë e 9-të të ndeshjes kur Dennis shënoi një gol tejet të çuditshëm, shkruan Reporteri.net

Ishte pikërisht futbollisti i njëjtë ai që e dyfishoi epërsinë e mysafirëve pas një gabimi në mesfushë nga Luka Modric.

Me këtë rezultat përfundoi pjesa e parë, por me të filluar e dyta, Zidane tregoi autoritetin e tij, duke e zëvendësuar portierin Courtois me Areolan.

Kapiteni i skuadrës, Sergio Ramos, shënoi një gol mjaft të dyshimtë për ta ngushtuar disavantazhin në minutën e 55-të të ndeshjes.

Vetëm 5 minuta para fundit, Casemiro shënoi golin e barazimit pasi deri në fund Reali nuk mundi të krijonte më shanse për të shënuar.

Me këtë rezultat, Real Madridi gjendet në pozitën e fundit në tabelë me vetëm një pikë pas dy xhirove, derisa në xhiron e tretë i shkon ekipit turk, Galatasaray./Reporteri.net/