Një shtetas i huaj është arrestuar në Prizren pasi ka kanosur zyrtarët policorë, menjëherë pas shqiptimit të një gjobe për kundërvajtje në trafik.

Sipas raportit 24-orësh të Policisë, incidenti ndodhi të martën në mëngjes. I dyshuari – mashkull – ka reaguar me kërcënime ndaj policëve pasi atyre iu desh t’i shqiptonin një tiketë për shkelje në komunikacion.

Policia ka ndërhyrë menjëherë dhe e ka arrestuar të dyshuarin. Me vendim të prokurorit kompetent, ai është dërguar në mbajtje, ndërsa rasti është në procedurë hetimore. /Reporteri.net/