Një aksident i rëndë ka ndodhur, në fshatin Kryezi, në Fushë Arrëz, ku si pasojë ka humbur jetën një 63-vjeçar nga Sllovakia.

Sipas asaj që njoftoi policia, sllovaku ishte në një motomjet bashkë me një pasagjere në momentin që ka humbur drejtimin e motomjetit dhe si pasojë e plagëve të marra ka humbur jetën.

Ndërkohë bëhet e ditur se pasagjerja po transportohet me helikopter në Tiranë për trajtim më të specializuar.

Grupi hetimor po punon për sqarimin e rrethanave të aksidentit.