Rasti i 12-vjeçares në Shqipëri, e cila dyshohet që u përdhunua nga babai i saj ka tronditur opinionin publik me të shumta reagime edhe nga fytyrat publike.

Një reagim për rastin tronditës e ka bërë edhe ish-banorja e Big Brother VIP Kosova, Xheneta Fetahu.

Ajo përmes një postimi në ‘instastory’ është shprehur e indinjuar me ngjarjen.

“Ky nuk është baba, ky është një monstrum me fytyrë njeriu! Me përdhunu vajzën e vetë 12-vjeçare dhe me pas fytyrën me thanë ‘vetëm një herë’, se paska mendu që mundet me bo edhe ma shumë. Çfarë turpi, çfarë krimi, çfarë shoqërie të kalbun që ende u jep mundësinë krejt plehrave me u quajt prind”, ka shkruar Xheneta në postimin e saj.

Ish-banorja e BBVK-së gjithashtu ka kërkuar një përgjigje se pse heshtet për këto ndodhi.

Babai i saj 36-vjeçar, gjatë seancës së sotme, nuk ka folur por ka tundur kokën në shenjë pohimi kur u pyet për akuzat.

Sipas ekspertizës mjeko-ligjore, abuzimi ndaj të miturës është kryer disa herë, çka përforcon akuzat ndaj të dyshuarit.

Gjykata e Fierit i ka shqiptuar masën e sigurisë “arrest me burg”.