Kandidati i Lëvizjes Vetëvendosje për kryeministër, Albin Kurti, ka folur në emisionin Pressing edhe në lidhje me financimin e mundshëm nga Devollët, të cilët vetë i pati ofenduar në disa raste duke i quajtur oligarkë.

Kurti u akuzua dje nga Florin Krasniqi se i kishte marrë 20 mijë euro nga kjo kompani.

Duke komentuar këtë deklaratë, ai deklaroi “E vlerësoj Florin Krasniqin për kontributin e tij. Nuk është puna veç te Devollët, por edhe te bizneset e tjera. Unë nuk e shti dorën në zjarr”.

Kryetari i Vetëvendosjes më tej tha që nuk i di specifikat e financimit me Devollët dhe bizneset e tjera që e kanë mbështetur Vetëvendosjen.

Albin Kurti më herët në shumë raste i kishte ofenduar me fjalët më të rënda këta biznesmenë, prej të cilëve tashmë e pranoi se është financuar.