Ylli i skuadrës së Leicester, James Maddison u ftua nga Gareth Southgate për ndeshjen ndaj Republikës Çeke për shkak të formës së tij briliante qe po kalonte së fundmi.
Ai u paraqit në humbjen ndaj çekëve, por u largua nga fusha për shkak të një lëndimi që e pësoi, shkruan Reporteri.net
Menjëherë pas ndeshjes, ai u pa në një kazino duke i shtuar kështu edhe më shumë spekulimet se Anglia nuk kishte udhëtuar për fitore.
Normalisht që edhe futbollistët janë njerëz dhe kanë nevojë ta kalojnë kohën e lirë sikur çdokush tjetër, por ky rast erdhi në një periudhë të keqe për Maddison.
22-vjeçari po lidhet ngushtë me një kalim të mundshëm tek skuadra e Manchester United dhe me talentin që ka pritet ta forcojë mjaft skuadrën e Solskjaer./Reporteri.net/