Feronikeli ka shënuar sot fitore në udhëtim tek Vushtrria, fitore kjo e cila erdhi vetëm në minutën e 93-të kur shënoi Besmir Bojku.

Kjo ndeshje ishte mjaft kontraverse prej fillimit e deri në fund, pasi Vushtrria në disa raste pretendonte për penallti, ndërsa Niklit iu mohua një gol i sigurtë, shkruan Reporteri.net

Sidoqoftë, për shkak të ndeshjes e cila siç e tham ishte mjaftë kontraverse, futbollistët e Niklit i lëshuan nervat duke u kapur ndërmjet vete.

Pak minuta para fundit të pjesës së pare, dy futbollistët e kësaj skuadreje, Kastriot Rexha dhe Da Silva kanë pasur një problem mes veti.

Pas kësaj fitoreje, skuadra e Feronikelit ngjitet në pozitën e pestë të tabelës së Superligës, duke lënë Prishtinën pas me dy pikë më pak dhe një ndeshje më pak të zhvilluar./Reporteri.net/