Superylli i Barcelonës, Lionel Messi është i lindur për të shkruar historinë.

Me golin e shënuar mbrëmjen e djeshme kundër Slavia Praga, argjentinasi u bë futbollisti i parë që shënon në 15 sezonet e fundit të UEFA Champions League.

Messit i mjaftuan vetëm tre minuta për të gjetur fundin e rrjetës së kundërshtarit, teksa shënoi në fitoren 2-1 që Barcelona mori në Republikën Çeke ndaj Slavia.

Rekordin e bën akoma dhe më interesant fakti që 32 vjeçari ka shënuar me të njëjtën fanellë në Champions, Barcelonën. Ndërkaq, Slavia ishte rivali i 33-të i Messit që i shënon në Champions, duke barazuar në këtë mënyrë rekordin e rivalit, Cristiano Ronaldo.

Messi already ⏰

➡️ https://t.co/eSLIr3hZxD pic.twitter.com/oc6IGKHTdA

— Bleacher Report Live (@brlive) October 23, 2019