Kryetari i Lëvizjes Vetëvendosje, Albin Kurti po zhvillon sonte takim informal me Kryeministrin e Shqipërisë, Edi Rama.

Siç udhëtoi edhe herën e kaluar, kur shkoi në Tiranë për të festuar fitoren e Vetëvendosjes, Albin Kurti, raportohet se arriti në Kryeministrinë e Shqipërisë pa eskortë.Kosova.

“Nuk erdhi me eskortë, i shoqëruar nga automjete. Doli shefi i protokollit në Presidencë dhe e priti dhe tashmë është futur në Kryeministri për një takim informal me kryeministrin Edi Rama. Ishte një takim i paralajmëruar. Ajo që është deklaruar se do të diskutohesh shumë çështje por pa i specifikuar ato. Është me dyshim nëse do të ketë një dyshim për shkak se takimi është informal”, raporton gazetari i OraNews.

Ndryshe, Kurti kishte qenë para disa ditësh në Tiranë, por nuk u takua me shefin e Qeverisë. Këta dy të fundit kishin pasur miqësi më herët, por së fundmi kishin pasur përplasje rreth protestave të studentëve në Tiranë.