Tre të lënduar nga aksidenti në rrugën Fushë Kosovë – Prishtinë

Tre persona kanë pësuar lëndime trupore si pasojë e aksidentit të ndodhur sot në rrugën Fushë Kosovë – Prishtinë.

Lajmin e konfirmoi zëdhënësja e policisë për rajonin e Prishtinës, Flora Ahmeti.

“Sot rreth orës 07:30, në rrugën Fushë Kosovë – Prishtinë , ka ndodhur një aksident trafiku.

Në këtë aksident kanë qenë të përfshira dy automjete. Si pasojë e aksidentit, tre persona kanë pësuar lëndime trupore. Me rastin po merret njësiti i trafikut rajonal”, tha Ahmeti.