Një zjarr ka shpërthyer pasditen e sotme në një qendër tregtare të destinuar për lojëra për fëmijë, në rrugën Fushë Kosovë–Prishtinë.

Zjarri raportohet se ka shpërthyer rreth orës 17:30, ndërsa nga objekti është parë duke dalë një sasi e madhe tymi.

Në vendin e ngjarjes kanë mbërritur ekipet e zjarrfikësve, të cilat po merren me shuarjen e zjarrit.

Deri më tani nuk raportohet për persona të lënduar.

Ende nuk dihen shkaqet që kanë çuar në shpërthimin e zjarrit.

PËRDITËSIM: Zjarri që shpërtheu rreth orës 17:30 në objektin në rrugën Fushë Kosovë–Prishtinë po vazhdon ende, pavarësisht përpjekjeve të ekipeve të zjarrfikësve për shuarjen e tij.

Pamjet e fundit nga vendi i ngjarjes tregojnë flakë të mëdha që kanë përfshirë qendrën e destinuar për lojëra për fëmijë.

Policia e Kosovës ka konfirmuar se deri më tani nuk raportohet për persona të lënduar.

Shkaqet e shpërthimit të zjarrit mbeten ende të panjohura.