Alarmon Fenerbahçe. Skuadra turke ka lëshuar një komunikatë të gjatë duke akuzuar se futbolli në Turqi është i zhytur dhe duhet të pastrohet nga koka deri te gishtat e këmbës.

Zyrtarët e gjigantit turk, kanë shpërthyer pas ndeshjes së fundit kundër Kayserispor, ku sipas tyre janë dëmtuar qëllimisht, transmeton Indeksonline.

Ndër të tjera në komunikatë përmendet edhe rasti i Vedat Muriqit tek minuta e 12-të kur VAR-i nuk e merr në konsideratë për t’i dhënë penallti, ndonëse shumë analistë menduan se ishte.

“Ftojmë prokurorët dhe Federatën që të pastrojnë futbollin nga koka deri tek gishtat e këmbës. E kuptojmë që gabimi njerëzor mund të ndodhë në futboll, ndaj nesh ka pasur orkestrim nga lartë, sidomos në delegimin e gjyqtarëve” shkruhet ndër të tjera në reagim.