Gjatë një ndeshjeje gjysmëprofesionale të shtunën pasdite mes NK Jelengradit dhe Jasenovacit, disa pula kishin hyrë në fushën ku po zhvillohej ndeshja.

Kjo gjë e nervozoi futbollistin kroat, Ivan Gazdek, i cili vrau një pulë që kishte hyrë në fushën e lojës gjatë ndeshjes, trupin e së cilës pastaj e gjuajti jashtë rrethojave të fushës.

Në videon e publikuar online shihet se si 23-vjeçari ishte zemëruar shumë me ato pula dhe i kishte ndjekur ato derisa e kishte zënë dhe e kishte shqelmuar njërën prej tyre, që mbeti pa jetë në fushë.

Për pas veprimit të bërë u ndëshkua me karton të kuq.

Por 23 vjeçari ka thënë se nuk e kishte qëllim ta mbyste pulën.

“Më besoni, nuk ishte e qëllimshme. Rezultati nuk ishte aspak i sigurtë në ato momente dhe ndeshja u desh të ndalet. Terreni ishte plot me fekale, këto janë kushte johigjienike. Unë vrapova drejt pulave për t’i frikësuar ato, e lëviza këmbën dhe e vrava njërën në mënyrë aksidentale, ta hajë dreqi”, ka deklaruar Gazdek.